സന്നിധാനത്ത്​ ദൃശ്യങ്ങൾ പകർത്തിയെന്ന്​ ആരോപിച്ച്​ മാധ്യമപ്രവർത്തകർക്കെതിരെ കേസ്

ശബരിമല സന്നിധാനത്ത്​ ദൃശ്യങ്ങൾ പകർത്തിയെന്ന്​ ആരോപിച്ച്​ മാധ്യമപ്രവർത്തകർക്കെതിരെ കേസ്​. അമൃത ടി.വി കോട്ടയം ബ്യൂറോ ചീഫ്​ എം​. ശ്രീജിത്ത്​, ജനം ടി.വി ലേഖകൻ ഉമേഷ്​, ന്യൂസ്​ 18 ലേഖകൻ എന്നിവർക്കെതിരെയാണ്​ കേസെടുത്തത്​. മണ്ഡലകാലത്തി​ന്റെ​ തുടക്കത്തിൽ സന്നിധാനത്ത്​ റിപ്പോർട്ടിങ്ങിനുപോയ ഇവർ ദൃശ്യങ്ങൾ പകർത്തിയെന്ന്​ ആരോപിച്ച്​ 117ഇ വകുപ്പ്​ പ്രകാരമാണ്​ കേസെടുത്തത്​. 

​അനുമതി വാങ്ങാതെ ദൃ​ശ്യങ്ങൾ പകർത്തിയെന്നാരോപിച്ചാണ്​ ഇവർക്കെതിരെ കേസെടുത്തിരിക്കുന്നത്​. വെള്ളിയാഴ്​ച നിലക്കൽ സ്​റ്റേഷനിലെത്തി ജാമ്യമെടുക്കണമെന്ന്​ പൊലീസ്​ അറിയിപ്പാണ്​ ലഭിച്ചത്​. 

നവംബർ 14ന്​ രാത്രിയാണ്​ കേസിനാസ്​പദമായ സംഭവം. സന്നിധാനത്തെത്തിയ​ ശ്രീജിത്തിനെ​ റിപ്പോർട്ടിങ്ങിന്​ അനുവദിച്ചില്ല. തുടർന്ന്​ ​ബലംപ്രയോഗിച്ചാണ്​ ഇദ്ദേഹം അടക്കമുള്ള മാധ്യമസംഘത്തെ പൊലീസ് പുറത്താക്കിയത്​. പിന്നീട്​ ട്രാക്​ടറിൽ പമ്പയിലെത്തിച്ച്​  അവിടെനിന്ന്​ പൊലീസ്​ വാഹനത്തിൽ പുലർച്ച രണ്ടിന്​ പത്തനംതിട്ടയിൽ ​കൊണ്ടുവിടുകയായിരുന്നു. യുവതി പ്രവേശനവുമായി ബന്ധപ്പെട്ട സുപ്രീംകോടതി വിധിയുടെ പശ്ചാത്തലത്തിൽ തത്സമയ റിപ്പോർട്ടിങ്ങിന്​ എത്തിയ മാധ്യമപ്രവർത്തകർക്കാണ്​ അന്ന്​ പൊലീസ്​ വിലക്ക്​ ഏർപ്പെടുത്തിയത്

 

Source : Anweshanam | The Latest News From Kerala
read more

Categories: AllKerala